त्रिशूली-३ ‘बी’ जलविद्युत आयोजनाको अडिट-२ टनेलमा अब एक्स्काभेटर जानसक्ने गरी बाटो खुलेको छ।
नेपाली सेना तथा आयोजनाका प्रबन्ध निर्देशकसहितको संयुक्त उद्धार टोलीले निरन्तरको प्रयासपछि टनेलको अवरोध हटाएको हो।
नेपाली सेनाका अनुसार तीनवटा बबक्याट र जेनेरेटरको सहायताले अडिट-२ टनेल सफा गरी एक्स्काभेटर प्रवेश गर्नसक्ने बनाइएको छ।
टनेल खुला भएसँगै संयुक्त टोलीले खोजी तथा उद्धार कार्यलाई थप तीव्रता दिएको छ। यस्तै, त्रिशूली-३ ‘ए’ मा पनि उद्धारको काम निरन्तर जारी रहेको सेनाले जनाएको छ।
यसैबीच, नेपाली सेनाले जारी उद्धार तथा राहत अभियानअन्तर्गत हालसम्म ३ हजार २ सय ९७ जनालाई स्वास्थ्य सेवा उपलब्ध गराइसकेको जानकारी दिएको छ।
प्रकाशित: २० भाद्र २०८३ २१:४३ शनिबार
