१६ भदौ, गोरखा । विपद् र अभावको मौका छोपेर गोरखा जिल्लामा खाना पकाउने ग्यासमा कालोबजारी भएको पाइएको छ । जिल्लाका ग्यास डिलरमध्ये बसपार्कस्थित अन्नपूर्ण सप्लायर्सले सिल गरेको सिलिन्डरबाटै ग्यास चोरेर बेच्ने गरेको खुलासा भएको हो ।
कम तौलको ग्यास बिक्री गरेको भन्दै उपभोक्ताले गुनासो गरेपछि सहायक प्रमुख जिल्ला अधिकारी नेतृत्वको टोलीले सप्लायर्सको बाह्रकिलोस्थित गोदाममा अनुगमन गरेको थियो । अनुगमनको क्रममा सप्लायर्सले सिलिन्डरको सिल फुटाएर ग्यास चोर्ने र बेच्ने गरेको पाइएको सहायक प्रजिअ नेत्रप्रसाद शर्माले बताए ।
‘त्यहाँ गोदाममा भरिएको सिलिन्डर थिएनन्, सबै बेचिसकेको रहेछ,’ उनले भने, ‘त्यहाँबाट बिक्री भएका सिलसहितको केही सिलिन्डर जोख्यौं, करिब चार केजी तौल कम पाइयो ।’
भरी सिलिन्डरको तौल कम्तीमा २९ केजी हुनुपर्नेमा २५ केजीमात्र भेटिएको उनले बताए ।
उनका अनुसार सिलिन्डर सिल गर्न प्रयोग भएको प्लास्टिक पनि कम्पनीकोभन्दा फरक पाइएको छ । ‘कम्पनीले लगाएको सिल तोडेर ग्यास चोर्ने अनि अर्काे प्लास्टिक लगाएर सिल गर्ने गरेका रहेछन्,’ सहायक सीडीओ शर्माले भने, ‘अनि कम तौल भएको त्यही ग्यास बेच्दा उपभोक्ता ठगिने गरेको पाइयो ।’
सो कुरा गोदामका कामदारले पनि स्वीकार गरेका छन् । अनुगमनका क्रममा सिलिन्डरबाट ग्यास चोर्न प्रयोग हुने धातुको सुइरोजस्तो उपकरण समेत गोदामबाट बरामद गरिएको सहायक प्रजिअ शर्माले बताए ।
यस घटनाक्रमले सम्बन्धित क्षेत्र, स्थानीय समुदाय र समग्र नागरिक जीवनमा पार्ने प्रभावबारे थप चासो र बहस सिर्जना गरेको छ।
सम्बन्धित निकाय, नीति निर्माता र सरोकारवालाहरूले चाल्ने आगामी कदमले यसको दीर्घकालीन दिशा निर्धारण गर्ने देखिन्छ।
विज्ञहरूका अनुसार यस्ता विषयमा समयमै स्पष्ट नीति, चुस्त कार्यान्वयन र पारदर्शिता कायम गर्न सके मात्र अपेक्षित उपलब्धि हासिल हुन सक्छ।
स्थानीय नागरिक तथा सरोकारवालाहरूले पनि सेवा प्रवाह, सूचनाको पहुँच र जवाफदेहितालाई थप प्रभावकारी बनाउन माग गरेका छन्।
विगतका अनुभव र तथ्याङ्कलाई केलाउँदा यस्ता नीतिगत तथा प्रशासनिक निर्णयहरूको समयमै समीक्षा हुनु अपरिहार्य मानिन्छ।
यस निर्णय वा घटनाले दीर्घकालीन रूपमा अर्थतन्त्र, सामाजिक विकास र जनजीविकामा पार्ने बहुआयामिक प्रभावलाई ध्यानमा राख्न जरुरी छ।
