राष्ट्रिय प्रजातन्त्र पार्टी (राप्रपा) का संसदीय दलका नेता ज्ञानेन्द्र शाहीले हाकु–२१६ जलविद्युत् आयोजनाको सुरुङमा फसेका नागरिकको आजै जीवित उद्धार होस् भन्दै प्रार्थना गरेका छन्।
शाहीले आज बिहानै भगवानसँग हाकु–२१६ सुरुङभित्र जमेको हिलो र पानी आजै निकालेर उद्धारको बाटो सहज बनोस् भन्दै प्रार्थना गर्न आग्रह गरेका हुन्।
उनले त्यसपछि ड्याम क्षेत्रमा थुप्रिएको फोहोर तथा अन्य अवरोध हटाएर सुरुङभित्र फसेका सबै नागरिकलाई जीवितै उद्धार गर्न सकियोस् भन्ने कामना गरे।
'आज बिहानै भगवानसँग यही प्रार्थना गरौँ हाकु–२१६ सुरुङभित्र जमेको हिलो र पानी आजै निकालेर सकियोस्,' सामाजिक सञ्जालमार्फत उनले भनिन्, 'त्यसपछि ड्याम क्षेत्रमा थुप्रिएको फोहोर तथा अवरोध हटाउँदै सुरुङभित्र फसेका सबै नागरिकको जीवितै उद्धार गर्न सकियोस्।'
शाहीका अनुसार उनले नेपाली सेनासँग भर्खरै कुराकानी गर्दा सुरुङमा फसेकाहरूको उद्धारका लागि भइरहेको प्रयासबारे जानकारी पाएका छन्।
लामो समयदेखि आफन्तको उद्धारको प्रतीक्षामा रहेका परिवारलाई लक्षित गर्दै शाहीले आजको दिन उनीहरूका लागि खुसीको दिन बन्ने आशा व्यक्त गरेका छन्।
‘भर्खरै नेपाली सेनासँग कुरा गर्दा उहाँहरूले उद्धार कार्यमा भइरहेको प्रयासबारे जानकारी गराउनुभएको छ। आशा गरौँ, आजको दिन लामो समयदेखि व्यग्र प्रतीक्षामा रहेका उहाँहरूका परिवारका लागि खुसीको दिन बन्नेछ,’ शाहीले भनेका छन्।
प्रकाशित: २० भाद्र २०८३ ०९:१३ शनिबार
